17 հոկտեմբեր 2016-ին, Հայաստանի սփիւռքի նախարարութեան կեդրոնատեղիին մէջ տեղի ունեցաւ «հայապահպանման գործին մէջ նշանակալի աւանդի համար» համահայկական 2015 թուականի մրցանակաբաշխութիւնը:
Համաշխարհային հայկական քոնկրեսի եւ Ռուսիոյ հայերու միութեան հետ համագործակցաբար կազմակերպուած այս մրցանքին, ի շարս կրթական հաստատութիւններու եւ անհատ մտաւորականներու, Համազգայինի «Վահէ Սէթեան» հրատարակչատունը նաեւ ստացաւ մրցանակ:
Համազգայինի հրատարակչատան տնօրէնութեան կողմէ մրցանակը ստանձնեց Համազգայինի Հայաստանի գրասենեակի տնօրէն Նարէ Միքայէլեան:
